చిట్టి కథలు -17
ఎవరీ వాల్ నాన..?
తాతయ్య
పిల్లలను దగ్గర కూర్చోపెట్టుకుని కథలు చెప్తున్నాడు. చిన్నారి కోమలి “తాతయ్యా! ఈ
కథలన్నీ నీకు ఎవరు చెప్పారు?” అని అడిగింది. “నాకు చిన్నప్పుడు మా నాన్న చెప్పాడు..”
సమాధానమిచ్చాడు తాతయ్య. “మరి మీ నాన్నకి?” మళ్ళీ ప్రశ్నించింది. “వాళ్ళ నాన్న..” “మరి
అతనికి?” “వాళ్ళ నాన్న..” “మరి అతనికి?” “వాళ్ళ నాన్న..” “మరి అతనికి?” “వాళ్ళ
నాన్న..” ..” “మరి అతనికి?” “వాళ్ళ నాన్న..” ఒక్కసారిగా ఆశ్చర్యపోయింది కోమలి. “అందరికీ
వాల్ నానే చెప్పాడా? ఎవరీ వాల్ నాన... వాల్
డిస్నీ తమ్ముడా..? ఎక్కువ కథలు నేర్చుకున్నట్టున్నాడే.. నన్ను ‘వాల్ నాన’ దగ్గరకి
తీసుకెళతావా?..” అని అడిగింది. ఫక్కున నవ్వాడు తాతయ్య. పిల్లల ప్రశ్నలన్నిటికీ
ఒపిగ్గా సమాధానాలిచ్చిన తాతయ్య వారి అనుమానాలన్నీ తీర్చి చక్కని కథలు చెప్పి, ఆ వెన్నెల్లో హాయిగా ఆటలాడించాడు.
రచన: తుంబలి శివాజీ
No comments:
Post a Comment